هل فيه مراكز تنظيف وتلميع السيارة من الداخل والخارج بس يكون حاجة محترمة علشان انا عايز اغسل عربيتي من الداخل والخارج وياريت تلميع ومعالجة الخدوش علشان انا قرأت علي المنتدي هنا عن مركز بريدجستون بتاع اسكندرية وكان كلام العضو عنه تحفه بصراحة وخصوصا في حكاية معالجة الخدوش
المشكله ان انا من القاهرة وكنت باروح بنزينة موبيل اللي في شارع التحرير بالدقي هما بصراحة كويسين بس لو فيه احسن يبقي افضل
شكراااااااااااااااااااااا ااااااااااااا
في واحد في الرحاب في السوق محترم أوي أوي أنصحك فيه كان إسمه تقريبا perfect أو حاجة زي كده
انا ساكن فى الرحاب و perfect مش كويسين خالص ده غير ان كل مره حاجة تسرق من العربية
سؤال مهم فعلا كان نفسي أطرحه من زمان, نغسل عربياتنا فين؟؟
عايزين مكان يكون محترم و مضمون. وياريت بالأسعار.
محطة وطنية بجوار مسجد السلام بالحي العاشر بمدينة نصر
بيغسل بالكامل بغسيل الفرش بسعر 80 جنيه تقريباً أو الفرش لوحده ب 80 (مش متأكد)
أنا سألت عندهم مرة وناوي أروح بإذن الله
حد يعرف اللينك لموضوع بريدجستون بتاع اسكندرية
مش عارف أجيبه
80 جنيه:8954[1]: مش كتيير, أنا بغسل برة وجوه ومكنسة ب25 جنيه.اقتباس:
المشاركة الأصلية كتبت بواسطة ahmed1981
ال 80 جنيه لغسل الفرش الداخلي بالكامل (كراسي وسقف وفرش أبواب) بمنظفات خاصة ليصبح كالفرش الجديداقتباس:
المشاركة الأصلية كتبت بواسطة a_tantawy7
لكن ال 25 جنيه أنا فعلاً بغسل بيهم تقريباً بالكامل في بنزينة عادية
مويبل الدائرى ب200 جم ( دائرى مدينة نصر - شيراتون )
1- العربية من الداخل ( فرش وسقف وأرضية )
2- العربية من الخارج ( غسيل عادى + غسيل موتور بالفوم )
3- بوليش للعربية
جربتهم مرتين و زى الفل
بتوع وطنية بصراحة شكلهم مطمنيش.....مش عارف ليه.
200جم؟ دة عشان الموتور ولا عشان ايه؟ ، وايه البوليش دة؟.اقتباس:
المشاركة الأصلية كتبت بواسطة Ahmed A.Maksoud
كله ب 200 جم
البوليش ده اللى بيتلمع بيه العربية من برة أو فى مقولة أخرى واكس wax
شكرا يا باشا ..
العفو يا باشا
Cairo:
Nasr-City Showroom
Inside Watanya gas station, Omer Ibn El-Khatab st., near City-Stars Mall,
Nasr City , Cairo-Egypt .
Telephone numbers: 002-02-260909392 / 94
Mobil number: 002-010-3407096
في بنزينة في المهندسين على ناصية ش أحمد عرابي من ناحية جامعة الدول العربية دي انا مجربتهاش بس ناس جربوها و قالولي تحفة
بنزينة التعاون في الدقي اسفل كوبري الدقي
دي انا بغسل فيها على طول
غسيل و تلميع خارجي 65 جنيه بس ( العربية كأنها زيرو بعد التلميع )
غسيل بدون تلميع و غسيل داخلي بالكيماوي و البخار كل ده 15 جنيه
استاذ احمد
بالنسبة لموضوع مركز خدمة بريدجستون بتاع اسكندريه هاتلاقيه في المنتدي العام تحت اسم ( مركز خدمة بريدجستون وعم مسعد والخدوش )
أرجو ان تستطيع الوصول اليه وشكراً لكل الاعضاء اللي ردوا عليا في هذا الموضوع
هذا المنتدي من أكثر المنتديات احتراماً
شكراااااااااااااااااااااا ااااااااااااااااااااااااا اااااااااا
السلام عليكم
كل الكلام اللي فوق تمام بس أنا عايز أعرف في مكان تاني غير وطنية اللي في الدائري بتاع شيراتون بس يكون سعر أقل، فعلاً ٢٠٠ جينه والعربية بيطلع نضيفه بس بعد ٢٤ ساعة بتكون شكراً، بجد مش عارف التراب بيدخل كتير أوي ليه بعد الكر كير.
أصلي فعلاً بكون عايز اعملها كل شهرين عشان تكون في أحسن حال بس بستغلى السعر دة يدفع كل شهرين .
مفيش أحسن من إنك تغسل العربية بنفسك عشان تعملها بمزاجك أنت ممكن تبقى مش حلوة أول مرة بس أكيد حتبقى محترف بعد مرة أو إتنين صدقنى مفيش أحسن من كدا عشان المغسلة بيكروت لما بيبقى فى زحمة
وعلى رأى واحد صاحبى أنا جايب عربية ب 100 ألف جنية عشان أنزل أمسح التراب الى عليها بأيدى مش أوديها تتبهدل فى المغسلة
عشان دى طبيعة مصرنا الحبيبة يا مصطفى....و متنساش أن عربيتك غامقة و الغامق بيبان فيه التراب على طول.اقتباس:
المشاركة الأصلية كتبت بواسطة Moustafa_Farouk
بس لو أنت عامل واكس أو بوليش هتلاقى التراب بيجى على العربية بس بيتشال بسهولة قوى....عشان الشمع......يعنى بفوطة سريعاً هترجع العربية فلة تانى.
الكلام ده فى أول كام يوم بس وبعد كده طبقة الشمع بتخلص وبترجع ريما لعادتها القديمة :44: